or call us at +5999 7375522

Let’s explore the Caribbean.

Depart
To
Your departure  
Your destination  
Depart
Return
Passengers
adult(12+)
child(2-11)
infant(0-1)
Submit
start booking hide

Jetair ta reanuda su buelonan entre e Islanan Kòrsou I Sint Maarten

Despues ku mundu kompletu a haña nan konfrontá ku e Pandemia Covid-19, Jetair a haña su mes obligá di para su operashon. Den e mas ku tres lunanan ku e frontera ta será pa buelonan lokal I international, Jetair a bula algun buelo di repatriashon pa asina por a trese hendenan Lokal bek ku tabata pegá afo na diferente otro Pais.  
 
Promé ku e Pandemia a kuminsa, Jetair ta tin su skema kla kaba pa por a kuminsa bula riba e ruta di Santo Domingo I Haiti. Esaki lamentablemente mester a stop, I aktualmente Jetair ta pendiente ki dia e frontera di e Isla nan aki lo habri bek pa asina por kuminsa bula riba e rutanan aki tambe.  Entre tantu e frontera entre e Islanan Kòrsou I Sint Maarten a habri bek I nos por anunsia ku pa Djadumingu awor 21 di Juni 2020, nos lo tin nos promé buelo komersial atrobe. 
 
Pa riba e ruta di Sint Maarten, Jetair lo bula riba e siguiente dianan kual ta Djarason, Djabièrne i Djadumingu. Prijs di ticket ta kuminsa for di USD 250,- ku ta inklui tur impuesto di ida I buelta. *Buelo lo sali for di Kòrsou 08:15 I lo yega Sint Maarten 09:55 I lo Sali for di Sint Maarten 10:40 pa por yega Kòrsou 12:20 riba Djarason.  Riba Djabièrne i Djadumingu buelo lo sali for di Kòrsou 16:50 I lo yega Sint Maarten 18:30 I lo Sali for di Sint Maarten 19:15 pa por yega Kòrsou 20:55. 
 
Pasajeronan por biaha ku un maleta na man di 8 Kilo I un maleta di check in di 23 Kilo pero Jetair ta konseha pa limita e biahamentu ku maleta di man pa asina evita aglomerashon den gang na momento di aborda i desembarka. Esaki ta pa tene nos mes mas tantu posibel na e distansia sosial.  
 
Ta pidi tur pasajero pa tene na kuenta ku door di e Pandemia algun regla pa ku biahementu a kambia. Asina ta ku mester ta 3 ora adelantá na Airport pa por check in. Nos ta konseha tur pasajero pa hasi uso di nos sistema di check in online 24 ora promé ku buelo pa asina e proseso na airport por bai mas lihe. Na momentu di check in of aborda lo tin di presenta e formulario yena ku bo ta bai di akuerdo ku bo no tin e sintomanan di grip. Tur pasajero tambe ta obligá di bisti un face mask for di momentu di check in, I ora di subi abordo NO tin mag di kita e face mask, esaki ta pa protehá tur pasajero i tambe nos trahadornan.  

Pasajeronan ku ta deseá di kumpra nan ticket, lo por hasi esaki online via di nos website www.jetaircaribbean.com, I via di nos Ticket Office ku ta keda na SBN Doormanweg 79 entre 10am I 4pm di Djaluna pa Djabierne. Na momentu ku bo ta bishita nos Ticket Office nos ta pidibo pa tene na kuenta ku no por drenta mas ku kuater persona pareu teniendo kuenta ku 2 persona pa famia, pa hasi uso di e hand sanitizer ku ta disponibel na porta parti paden i tambe mantene e distansia sosial di 1,5 meter. Tene na kuenta ku si bo tin algun sintoma di grip, pa porfabor keda  kas i jama of mail nos pa kualkier pregunta ku tin of pa kansela bo buelo.  
 
Pa tur sobra informashon ku ta trata Jetair, por bishita nos página Web, nos página di Facebook of Instagram of mail nos na [email protected] 
Huntu nos tin ku soru di proteha nos mes I otronan teniendo kuenta ku e biahamentu den e normal nobo!! Nos ta topa otro abordo  
 
*Tuma Nota ku skema di buelo por kambia door di kualkier desishon ku lo wordu tumá door di Gobiernunan of Authoridatnan lokal